Oleh : Joni MN
urang Gayo;
Manat petanah, ari entah turun ku muyang, i sawah ne miyen ku datu, manat ini sawah ku awan renye i osan ne ku ama, ari ama ini mujadi peri sawah ku aku, manat petanah e, nggeh kene;
” O…win … Arok enti sawah mupolok; keta ike galak pe enti sawah muselpak” Buge “rayami kase tuah rum bahgiye mu”
Gelah bersienumen kam bewen mu, pit pe keta gelah bersidoloten sesabe dirimu. Enti sawah “rusak-rasik” Si kena jalu ni kurik pedatas.
Win anaku; jaraki buwet ni musang polut rum kipes ni bayur “beret ni malu atan batang ruang, wajip edet atan astana”.
Gelah besijegen rum bersipapahen kam bewenemu, tikikdi we kite Gayoni, mewen gelah sara tamunen, keta ike beluh pe boh gelah sara loloten enti mubelah bersi sesabii diri.
Cemak bayakmi ate mu enti i amat-amat ko, kemali pe enti sawah i peperi, i kunulen edet atan astana ukum pe atan agama.[]