[Puisi Bahasa Gayo] Belah Bersi
Joni MN
Kösim si munaso ségét
Lede si munoso jing
Tikel si munaso lungi
Kemili si munaso lemak
Pupuk mulojadi si munaso bengi
Si limeni oya nge jelas tures nguk kite beconto
Si limeni oya jelas tures nge ara rasa i masing-masing diri é
Si limeni oya nge jelas tures munuruhni kukite
keta rues gelah ku ines, betawe tungkupé gelah kupelu
Ike mubalik pasung ni baji, oya lok ni jelbanga mera muperlok
Ike wan jerohni ni peri enti isejen délah ilipeten
ngéh kené awan Daman oya peri kemali si i bueten
Ike salah rasuk puting, oya mera mubeltak pasak ni suyen
Cerak gelah ibulangi
Peri gelah ipingangi
Tutur boh gelah belangi
Si besile oya rawan keta si betimpuhpé keta nge turah banan
Salah ke keta itegahi
Benar ke keta ipapahi
Ike nge jeroh bepari enti ara néh jalu, orum upet caci
Ike nge sebegi seperangé enti néh bagé si cari
Boh si belangi urum si sebegi seperangé entahmi murum-murum kite papahi
Osop bepérah, taring gelah berayi, keta si nge arani entahmi kite pejamuri
Enti besitipak dagun sesabi diri, kati sawah mubelah bersi kite orum kite
Takéngen, 2021
[SY]
