Salman Yoga S
Ari delé ni tempat den acara even si kuurumi
Langkah ini mugenancing den mubéda pora
Didong jalu iaran i gedung MPR Jakarta
Rami olok jema simunentong nonton acara
Sideléné urang Gayo, simen urang jema
Pejebet negara bujang-beru kekanakpé ara
Mubaca puisi i gedung MPR umah kul ni rakyat
Musapat ceh-ceh Didong hebat ari Takéngen
Munemah saér berpilih urum lagu lungun
Kelop Musara Bintang mudemu Kemara Kung
I angon undang Fikar W Eda urum panitia
Ifasilitasi seumpama jema penting munahma
Pelaku seni den budaya si nge ternama
Hadir nik pesawat Garuda ku Bandara Soetta
I rai urum taksi si mal den mewah i Jakarta
Muselang lao tampil mien Didong mubaca puisi
Ara si mubaca berita renye iagon ku Taman Mini
Ari umah bang Mursyid Sabdin taon kami beringi
I studio empu numah antiqu murum berseni nyanyi
Lang néya sesuai siijadwalen panitia bejanyi
Selalu ku lokasi ijule rami-rami lagu mah bei
Ara Tgk. Mursyid DPD den pepien urang kiteni
Gere berlatihen cumen kompak munuruh seni. [Bersemet]
Takéngen – Jakarta – Bandara Soekarno Hatta – Tangerang – Sulawesi – Jakarta – Banda Aceh -Takéngen, 2013 -2021.
*Dipetik dari Buku Kumpulan Puisi Bahasa Gayo “LIKES”. Takengon The Gayo Institute (TGI), 2022.
