Oleh : Joni MN
“๐๐ฎ๐ต๐ฎ ๐๐ฎ๐ถ๐ช ๐ฝ๐พ๐๐ฎ ๐ผ๐ฎ๐ท๐ฒ
๐ถ๐ธ๐ท๐ฐ๐ธ๐ฝ ๐ฐ๐ฎ๐ป๐ฎ ๐ซ๐ฎ๐ป-๐ต๐พ๐ฑ; ๐ด๐พ๐ต ๐ท๐ฒ
๐ช๐ฝ๐ฎ ๐๐ฎ ๐ท๐พ๐ท๐ฐ๐ฎ๐ป ๐ท๐ฎ ๐ฐ๐ฎ๐ต๐ฒ ๐ท๐ฒ ๐ช๐ฝ๐ฎ”
Kejadin seni dele nge urang tuwe atawa jema tuwe galip munantu ate ni anak e atawa kekanak ni, boh enti sawah uwes ate we, gere mukunah i gegerantang e pe, gere mukunah i tungkahi e pe, gere mukunah jeroh ni ate i perin ne kotek.
I tuyuh ni tun 80-en ku sonen miyen, si ara kekanak ni munantu ate ni urang tuwe e / jema tuwe e. Cumen seni si teridah ku mata nte orum si tengah kite rasan kejadin ne oya nge mubalik, nge urang tuwe munantu ate ni anak.
I tun 80-en enti mulo kin urang tuwe diri, kin jema tuwe si kuwen kiri, atawa kin jema tuwe lben liwet i arap te pe, sawah jeroh e, murege.
Betul i masa oya jema tuwe ni orum urang tuwe meh kedelen ne nguk kin conto, ari gerak e pe nge nguk kin pelejeren. Ike i arap ni kekanak atawa i arrap ni anak diri e, i turuh ne jerohe we.
Tengahna urang tuwe ni kasar cumen alus, turuh ne jeroh e i arap ni anak-anak e, cumen ike nge gere pas jelen ne oya mera muborol renye mata-mata e, mera renye sawah pumu e pe atawa sesongkoten ku kuduk te.
Seni kekanak ni nge i anggap pe dis bewene, ike male i kerisili dele ilen seni pe urang tuwe si lagu tengah na, cumen ari pel-oh, olah polah ni kekanak seni jema tuwe seni nge kalah becerak pe rum kekanak ni, gip nge atas tiake ari peri ni urang tuwe e, jema tuwe jeroh ni ate we munejeri ye, dabuh nise nge len pendepete, munungkah miyen, mugerantang i arap ni jema dele miyen.
Jeroh ni ate ni jema tuwe ni ne gere neh teridah nunger ne male mynyesat ni we. Renye deba alus pemikir ne, “e.. bohmi gere mukunah, adal enti musalah” Ini ling si tangkuh wan pikiren ne.
Ike kite jeloki ate rum pemikiren urang tuwe seni sesiro kite engon kejadin si ara seni, urang tuwe ni nge meh ke delen ne munantu ate ni kekanak ni sana si tiroe oya ike sanah pe usaha male jeroh atawa gere oya gere neh si urus, si penting teniron ni anak ni ne turah ara. Meh ate ni anak ni fem si jege gere nguk mukertuk, pora bengisi jema renye mengas.
Si delen ne seni urang tuwe ni nge munantu ate ni anak e, asal enti dewe sesabe diri e, urang ni merannwe ku duru pegunul ne, mejen jema tuwe ni pecogah asal enti anak ni rusak ate we. I tunin kenyanyan ku kekanakni, kati enti bang we kemel kin pong-pong e, wan gere ara pe i perin ne ara. Ike tengah na anak ni si mununin kenyanyan ne ku urang tuwe e, ike biyer pe beberasan gere muisi, oya sawah betih urang tuwe e, sawah kis tunin ne.[]
