[Saer Gayo] Ulak Kuelangen

oleh
Ilustrasi Resam Munoling. (Foto : Reny)

[Saer Gayo] Ulak Kuelangen
Joni MN

Sudere bebewene si ara wan dunie
Ini manat patanah ari muyang datunte

Kelam enti meh i nome i
Porak lo pe enti renye meh i ralani

Si kul enti i dokopi
Si naru enti i jengkali

Enti suket ku cing
Enti betimang ku are

Ara ke i penge lagu kukur si mugerali dirie
Ara ke i engon lagu tumpit serben ni ulue

Seni lagu si meh koro mumangan ujung lalang
Osop jerohe, si naru gere neh kerat due, si naru pe gere neh ku kerat tulu.

Win… Ipak.. Wo…sudere
Isi bunge si gere i rayi kera
Isi jema si gere mera reta
Cumen enti sawah ku munemah mara

Win … Ipakwo … Sudere
Inget-inget sebelem kona hemat jimet wan tengah ara
Alal mal mata bene, sah niet usik pase sidik eyet.

Nge enti galip petetatang kerlang
Langkah rejeki petemun maut
Wih kuyu rara tanoh
Ulak we ku ujud asal e ke kuneh lo pe

Comments

comments