[Puisi Bahasa Gayo] Kune Keta

oleh

[Puisi Bahasa Gayo] Kune Keta

Hasrin Z Bersah

Gerené sikaji buet nge lepas
Oya bewené nge taring bekas
Buet jeroh gerené telas
Si kerna ceras osop ni nengel

Sisu peden asa gere keras
Turah sunguh mumengéé kati jelas
Taringpé tene urum rilah ni kertas
Si murasa temas belapik tebel

Tiak pemulo tekudah atas
Oya kati bise tekala mempas
Gere layak laku patut pantas
Si ara melas ahéré mutumpel

Munikot janyi urum tali retas
Kin sesérénen rering tepas
Gere pané mudenang alas
Si kunul tapas timul jembuel

Sintung ni utem nge gere pas
Selo penjerangen renye tair ranas
Beberasen nge terang mubatas
Si kurang awas selo né ikel

Ngenakken santan atu i ramas
Penason si dele dabuh bekemas
Muniro urum cara mengas
Si nosah ganas sesire mungenyel [SY]

Takengen, Februari 2024

Comments

comments

No More Posts Available.

No more pages to load.