[Puisi Bahasa Gayo] Takéngen Ketike Oya

oleh

[Puisi Bahasa Gayo] Takéngen Ketike Oya
Salman Yoga S

Takéngen ketike oya osop bengié
Sebeb dapur peniten lagu dendam ni rara si muwabah
Mujolor kusih-sih
Alak terih menumpuk diri
Wan kelsih ni doa pengungsi
Iselang ni pongot kekanak bayi den selonsong peluru
Simujadin dot munisep susu

Takéngen ketike oya lagu ine si gere munakui anak
Manusie mupinah umah ku mersah-mersah
Ari pesam ni upuh jebel ku saput putih berlapis ganjil
Harum wangi ni kupi ku kapur barus
Belangi ni renggali ku angir kerne ni mét

Takéngen ketike oya
Malimdewa muguesni solinggé ku atu

Takéngen, 2000

*Dipetik dari Buku Antologi Puisi Bahasa Gayo ”Pungi Den Pakan Laya”, The Gayo Institute (TGI), 2020, hal. 24.

Comments

comments

No More Posts Available.

No more pages to load.