[Puisi Bahasa Gayo] Reraya Ulen Fitrah
Hakimiadi Sudirman
Reraya ulen fitrah
Bersimaafen kite sara umah
Delé perbueten kadang salah
Ampun ku ama maefen turah
Sebulen enge berlalu
Bulen ramadhan taring kisahmu
Mukalé terawéh abang engingku
Turah tun arapo oyapé ike demu
Takbir nge berkumandang
Rata masjid mersah berdénang
Buet kin mara kekanak sedang
Mercun iguel nge muguncang
Beta bang resam ari sedenge
Iperin nume oya le modelé
Mujerang suntuk serlo
Malé-malé loha mejen pasan te
Sipaling sunguh mien sarami
Lagu kin edet ari jemen mi
Seruel rum baju turah belangi
Bierpé pasa selang seringi
Minal aidin walfa idzin mohon maaf lahir den batin [SY]
Gayo, April 2024
