Kelubung ni Ine (In Memoriam Hj. Sufiah Inen Hafisah Meriah)

oleh

[Puisi] KELUBUNG NI INE
: In Memoriam Hj. Sufiah Inen Hafisah Meriah

Salman Yoga S

I renda jilbab den kelubungmu
Kudemun tumpukni buku-buku sigere selesé i baca mata ni lao
Gere te gelepi lao kelem
Gere ayapni wil kul
Gere téwahni kuyu
Gere lapuk i tun ku tun
Sawah genap tige belas anakmu mujadi ulen
Ari recak demi recak ni utem
Ari geris-geris ni kayu uyem
Ari tiris nitis ni supu serule
Ari ulu ku semala
Ari pengajin ku joyah mersah
Ari denie sawah ku akherat

I renda jilbab den kelubungmu ine
Kudemun tumpukni buku-buku sigere selesé i baca mata ni lao
Gere tertus ni sembilu
Gere terbeles aku
Gere terlunesi aku

Buku-buku
Semayang
Ayat-ayat
Gemasih
Doa-doa []

* Dipetik dari buku “Pungi den pakan Laya”, The Gayo Institute (TGI), 2020.

Comments

comments