[Puisi Bahasa Gayo] Kude Rator
Aman Renggali
Simen si munemah berite
Déba tersier i media sosial
Kude beruer lélon ni mata
Urip-uripen makhluk si setie
Kude Rator iubuh penalun
Tengulun ilang ari Utem Siku
Silu ni tenge i Ume Rukah
Sabi terarap ari mulo luah
Asal tuah gere musier ari pepuser
Tapak telak gemok dokop
Kekang rengang kude jinak
Jeroh ni perasat tene malé kin békér
Kude Rator
Kin totor jelen murum
Sehebet sudere biak rakan
I Belang Bebangka resam ni Gayo
Enta kesah malé kin nahma Pesaka
Keluarga Meriah
Arias musara
Tuah gere tebeli
Rezeki gere tebetih
Rator kin cerite
Kude si namur ni lauh
Musangka ari mata-ngku
Takéngen, 5 Maret 2023
