Porol Ngunuli Ules

oleh

Catatan : Wienku Genantan*

Dele pedeh seni kite engon mejen i arap te kejadin me muloi ari ketike pejer, magrib, sawah ku elupen, ari kara kurun sawah ku sara ketike.

Gere terherani kite neh, Ike tengah iwan tengahna ku ine, ama, sudere, rum si len-len na pe nge sawah jerohe betutur pe nge sawah mutentue.

Ketape seni ara tikik nome ruhul, erep nge mupangkat pora renye akal e pe lagu nge teroroh akal, pora-pora renye tutur e pe nge museseltu, tutur mutungku, tutur mutentu oya bewene i bubuhe nge lagu tutur muserbu erep nge kin bedak sapu pelin asal erep enti gere betutur. Kuson miyen pora, mujebeten pora madihne, oya renye lagu si gere neh, mejen nge lagu porol si menet kin ules, keta mejen nge lagu jangat si menet mungunuli porol.

Ike ulaken ku diri, oya…siye keta, sebetule, gere sara pe le heme ni si galak dor wan gelana, bewene orum bewente heme ni mungenaki i galaki rum boh be siregen. Ketape, seni si dele terjadi, ike nge mureta rum musekulah atas i tamah miyen nge ara jebeten, oya renye becerak rum ine ama pihak sudere pe lagu si gere neh, lagu berperi, mera pedi we tangkuh si kemali-kemali pe, keta betutur pe i jarangi ye, lagu si terih mutuh nahma e.

Si gati kite penge, tutur si gune ne nge i ubahe ari si mutentu tengahna. Meh kedelen ne, lagu si nge kemel betutur mutentu kerna nge bergelar naru.
Inile heme si dele seni, sipet te nge mu-cap ku wan diri reta, jebeten, sen, pangkat atas, oya nge segele-gele e, ike nge ara oya lagu nge osop ujut jiwe manusie e.

Buge nge mi oya, agih mi we oya, genap nge si munge. Jarakmi bele osopmi seteru, i gipi Allah mi heme ni ari cerak besorah, jis, jengkat , sumang rum kemali, ulakmi gelah ku diri, gelah tulus ikhlas mi besiregen sesabi diri, enti ara terjah rum empah wan diri neh.

*Penulis adalah Wakil Ketua 1 Majelis Adat Gayo (MAG)

Comments

comments