Uyet Ni Tuhen i Empus Kupi
Salman Yoga S
Ike i kute semakin munafék
Aku musangka ku empus kupi
Isoné item ni tanoh mumötihen emun
Ike suntuk berguk den kehampaen munimpe
Aku musangka ku empus kupi
Den ijo ni ulung mujadin bujang serbang
Bile Tuhen muloi mujarak ari até den lao
Aku musangka ku empus kupi mudemui uyet-uyet
Si musebu urum tanoh munatangen pucuké ku langit
Ike aku ku empus kupi
kedamaien ara i wan tanoh kejujuren mujadi tanoh
Mujejaken kiding ku tanoh
Mujurah mumerusen pumu ku pucuk-pucuk ni kerpé
Mudélapi tora ni emun i atan ulung ni kupi
Renye mesebun ulu kowan tanoh
Isoné teridah uyet-uyet tengah bersuke urum beje
Ni bumi
Aku ku empus kupi lao mingu
Lagu beluh ku masejid jeb lao jemat
Ara khutbah si seheje den lues isoné
Ara rekaat-rekaat ijeb perdu, batang den tangké
Si sabé munyedienen tasbih
Kati jeb ucep den rues ni jejari mumuji
Si Maha Pemberi
Vilar Wih Ilang – Takengon, 2020-2021
*Dipetik dari buku Antologi Puisi “LIKES”, The Gayo Institute (TGI), 2021