[Saer Gayo] Dele Sipet Jema Banan
Hakimiadi Sudirman Rawe
Kunede kase ike nassib bubun kin kisah
mera mupinah haluen puren
mera sesilon nengon emas basah
udah taring kisah kao puren
Dele semayang bunge wan peger
gegoyong sawah munisep manisen
bier remo cuge ko jantar
udah taring gambar engonko puren
Nume pirak kati murege
sana si kite mpu oya simehate
ike gelep kite pejege-jege
sawah hakiket jema empue
Masa lalu dele kuliweti
kin pengalamen oya kin aku
dele sipet jema banan seni
buete bage ke ikuduk mu
Gere mepat kese jeweb mu
ate kucak mu masih penasaren
keta dalih sesederko ku aku
ike we seseren puren
Kati paham turah sekulah
bier sekulah nome wan bangku
cumen sengkiren ko male kona cogah
nge betih ko dua ke satu itamah satu [SY]
Hakimiadi Sudirman Rawe adalah pencinta sekaligus pencipta puisi dan Saer Gayo dalam Bahasa Indonesia dan Bahasa daerah, lahir di Janarata pada 1987.
