Karya: Win Ruhdi Bathin (WRB)
Diterjemahkan Kedalam Bahasa Gayo
Oleh: Aman Renggali
“AKU rawan normal Alivtina. Sangat normal. Sebenaré akupé mumendam rasa kin ko hinge kaopé sawah ku Acih ni. Gere terperin kune bahgie niaté-ngku. Apalagi nguk ramah den dekat urum ko. Inget ko ke waktu kite nik becak ni bang Din. Ongot-ogot, gati ko kupanangi sesire beluh. Lagu gere yakin aku ko mera nik wan becak oya. Padehel sebelummé ko i Rusia ilenné”.
“Alivtina, betihko aku seorang muslim. Ike kuturuti nesu-ngku, gere kubetihné sana singe terjadi den kubueten ku dirimu kasé. Atas nama cinta, aku nguk seje mengawinimu tanpa menikah. Alivtina, ike munönöng isi ni pikirenku, aku gere bekenak ko luah ari aku.
Boh kune rugie aku, ike jema banan semampat ko gere lepas kumiliki. Tapé sebagé muslim ara batasen si gere nguk kubueten kuatasmu meskipé aku olok beménét. Lagu kisah cinta i wan film-film si berakhir hinge hubungen beden. Kemudien mupisah urum murahé. Gere ubahé lagu sana si ibuetni benatang i lah ni belangngo”, ucepku naru sesire mumerusen uluni Alivtina.
Kusebun wukké urum tudung tipissé simukemang i emus-emus kuyu, muperus ku rongokké si pötih.
“Sebelemmé kenak oya malé kutekaren, ara batasen sana si nguk kubueten. Mampat rum belangimu munos aku gelana. Meledakkan nafsu-ngku hinge sawah ku umuk-umuken. Gere kumatén nafsu oya. Tapé mungendalinenné hinge sawah masaé kasé.
Cinta gere mubota Alivtina. Cinta juge nume nafsu belaka ipak. Meski nafsu kadang merawe ijadin kin alasen cinta sehinge seulah halal béwéné. Cinta si sesunguhé wan agama-ngku, tercurah den penuh setelah ara ijab qabul. Setelah menikah”.
Kuamaten kerlang ni Alivtina kuen-kiri, den kupanangi anak nimataé si biru, temus hinge sawah ku sanubarié. Itungkukné ulué, gere sangup pecengang ku aku. Aku betul-betul malé munegasen kudirié tentang cinta si kupahami.
“Oyale sebebpé, ari naruni waktu urum ko i Banda Acih, iwan angkuten den bahkan isienni, penahke ingetko aku melakukan perbueten buruk den si gere jeroh ku ko. Sesunguhé oya béwéné nguk kubueten, ketapé gere. Gereke?
Ara waktu den kesempaten. Den aku yakin ko juge gere akan munulak. Kerna bahasa galak natému kin aku nge kubaca ari mulomi. Den mungkin wan kamus cinta i nenggeri asalmu hel oya mujadi biasawe ibuetni jema”,
“Ketapé isien oya béwéné gere kubueten. Kerna alasen oya sine. Cinta sepenuh até, jiwe den daya upaya oya baro ibuktiknen setelah mari munikah. I deret n i oya, aku terih kerna olok berat ancamen hukumenné”.
Ike henye soal sex pelin, pasti nge ku inaki jema banan si begeral Jeanne oyawa, sara wartawati Rolling Stones ari Amerika si kujejule keliling panté Acih munéngon kondisi daerah ini paska Tsunami tengaha. Ikinié aku géh kukamarré i wan tengah melem bute iwan sara hotel i kute Melabuh.
Gere kupedulin sana tenironné. Hinge wé géh munetok ku pintu ni kamar hotelku, den langsung murangkam niaku boh kune kati nafsu sexké terpuesen. Aku mampu den sangup ilen munulakké saat oya. Demikien juge si serloni. Cinta nume sex pelin Alivtina, oya si tikikkéwe ari nilai den rasa sideléwé. Ara kasih sayang, perjuangen murip murum. Bedewe hinge lahir anak-anakte, ari rayoh den galak naténte murum.
Ama den Ine berkejang payah munyekulahenaku ku sekulah agama. Meskipé aku lepas muranto kusihpé kenak, tapé soal tindaken, do’a ni Ama den Ine muamanahen kuaku boh kune sabé wan jalur hukum si kuyakini. Aku sadar, reroante we isien, jema ketigeé adalah sétan”, terangku.
Aku gere peduli apakah Alivtina mungerti tentang sétan, denie akhirat puren, soal dosa den pahala. Serge atawe neraka. Inile kesempaten bagiku munegasen tentang keyakinenku kowé, sehinge gere témul persepsi ganda iwan benakké tentang aku den agama-ngku si gati icap negatif urum kaum barat.
Kenakku mien malé kuseder kowé bahwa cintaé gere betepok semelah pumu. Den seulah gere kupedulin rasa galak den kul ni atéwé, setelah béwéné pengorbenenné kin aku.
“Begitu rumitté Win?”, pengunenni Alivtina lagu mumelas pora. Kusapunen luh ni mataé urum syal siselukké. Senyum aku kinwé.
“Please, smile for me before i answer your question”, kené berharap ku aku.
Wépé tersenyum. Langkah ini lebih ikhlas teridah. Sagi ni bibirré munyang ku atas pepien senti. Kuarahen lensa ni kamera ku wajahhé, gerené muniro ijin den krek.krek.krek!. Pepien frame foto kupeteret, tepat i rupeé.
Meskipé wé berusaha mungiserni salak den munutupni rupeé urum syal, nge lememtu.
“Alivtina, sebenarré gere rumit. Henye seje jema gere terbiasa urum oya. Meski ku akui juge simen muslim si melakuken percintaen layakké si buetni kam i denie barat so. Bahkan pakéa mera married by accident, atawe kerje terpaksa kerna nge wan perélen mulo. Pakéa salah muartinen cinta urum nafsu sek”, aku mungules sana si penah terjadi. Fakta.
“Sebagé jema rawan normal. Betapa bergairahhé aku munéngon jema banan belangi lagu ko. Kata cintamu adalah modal ku aku kati nguk mubuetni sanahpé kenakku ku atas dirimu. Termasuk soal sex. Nguk seje aku mumerin oya adalah cinta, den aku percaya kaopé akan munerime béwéné si ara wan dirimu.
Cinta si kupahami nume lagu noya Alivtina. Sanahpé si ara wan diri-ngku, béwéné kin ko. Cintaku, sayangku, perlindungen, usaha den termasuk kebutuhen biologis. Den keturunen. Si paling penting adalah boh kune kati kite murum-murum munuju ku jelen serge. Denie ini nume pemarin ton morip, tapé muloni morip abadi puren kasé. Insya Allah”.
“Aku makin gere paham Win”, beles Alivtina. Aku tersenyum mien sire munetahni tudung tipissé.
“Kao gere perlu paham serloni bayakku. Gere perlu. Bagiku, inile alasen sana kati seulah gere kuironen den gere kupedulin ko. Kerna aku terih mununung nafsu-ngku si kutonin atas nama cinta.
Alivtina, betapa bahagieé aku saat seni, ara jema si mongot kin aku. Berijin !”.
Kujaraken pora diri-ngku ari Alivtina. Aku memang terharu den bangga. Ara jema banan mampat si mongot entap naku. Bangga olok rasaé.
Ara pepien waktu lagu musengap, matan lo nge makin atas. Ari jarak kucengangi Alivtina si pekunul munolikken ukué. Pebening seribu bahasa, enta sana si ipikirié. Mungkin wé murasa pengorbanenné si sawah ari jarak ni denie, ari Rusia ku Acih ni sie-sie seje. Tapé pengharapenku, penjelasen sine munubah persepsié.
Si lelagu nini le si kugalakki ari sideléné jema-jema siberasal ari barat, terutama si penah berhubungen atawe berakan urum aku. Komitmen den konsisten. Gere peduli aral mulintang. Ike komitmen nge ipancangen, resiko numené halangen.
Ulak mien aku ku ton kunul ni Alivtina den munamikken pumué kati sesuk.
“Kite kunul iso dih. Ituyuh ni uyem kul so”, kenaku mumakatié. Wé nurut, kerna kuéngon matan lo lagu muporak bedetang mudaringié. [] Bersemet…
