[Puisi Bahasa Gayo] Ulaken Ku Fitrah
Hasrin Z Bersah
Ampun pemulo ku tiro
Ari ilet khianat dengki ku biak sudere
Denie ahérat kati semperne
Gere berede ku Allah bedo’a
Tabi ku bewenè kite
Udah ara berakah mujadi dewe
Mera we umping wan ni sene
Nge kin luke mujadi mara
Maaf mien aku gere lupe
Urum ikhlas ni atè olok gere pure
Salah orom khilef tekudah gere i seje
Mujadi hine ku simurasa
Maas asa nge mulo
Gere mutamun mujadi pulo
Gere ilenpé sawah simuniro
Wa jantung limpe gerené ara
Sekire mudemu keta bejamut pumu
Cerak mutentu besiizinen
Tekudah si tulis munaos ringis
Enti ne bengis gelah besimaafpen
Tekadang si baca nge kin mara
I tetah cara besimaklumen [SY]