[Puisi Bahasa Gayo] Temuluk
Hasrin Z Bersah
Beden mubungkuk
Ulu mutungkuk
Ralan terkuduk
Sesuk sabè sedie
Rintah munetut
Bidik ipeturut
Lanèh i gerjut
Carut gere berede
Talu mugerantang
Rapat gere nguk musirang
Mata Sabe ilang
Gelep terang mejen kekire
Tulok mungini
Kirep munalui
Trem mungoai
Betihi diri nume reje
Gere nguk munungkah
Anguk oya siturah
Pora munaos salah
Laing kekuah lagu bedere
Bidik wanni buet
Ari kenunulen tair uwet
Tejem turah peninget
Ringer beret i terime [SY]
Banda Aceh, Agustus 2026
