[Cerpen] Manuk Cicempala
Bahasa: Karo
Sekali ngkibasken ia mis cinep bas dahan batang kopi si nguda ah. Angin ngalo-ngalosa la mejile, dahan mugor- mugor kujah kuje nurohsa kabeng manuk kitik ah gelah usor ngembang nahanken keseimbangen dagingna ertahan bas datas ranting. Nahe ras cakarna mengokohken cengkeramen, mejile matana ngenen sekelilingna. Sekali- sekali mpedarat sora, erkicau mejile bagi ngeleboh temanna si cinep i dahen si lain.
Cicempala, manuk kitik erbulu halus ras mejile nce melala macam warnana. Takalna mbentar, duana kabengna erwarna megersing, kerina bulu bas dagingna erwarna biru nitambah warna meratah tua bas kerahongna si mejile. Nahena warna Megara nce silu- silu erwarna megersing ras sisik kecoklat-ciklaten.
Kerina warnana si mejile,erbanca ise saja mejile akapna. Perban melalana warna si bas ia naluken pelangi ras suasana kerabun i sebelah barat Danau Laut Tawar.
Sorana lembut, kicauanna ertingkah lima ras tangga nada si la seri. Alunen syair seni Didong la seri ras sorana adi sangana ia erkicau. Daya tarik manuk Cicempala kitik e si erbanca mejile ka ras kepaken kabengna si mejile sangana kabang.
Mejile perkabangna ku pucuk-pucuk pinus nguda si meratah si jadi pagar bas tebing. Bagi jilena selendang Putri Bensu si ku teroh bas langit niembus angin. Kabang ngikuti arah embusen angin si mejile.
Nakanna emekap biji-biji batang kayu si erlau. Buah Nanar si erwarna megersing emekap kesukaanna. Batang Nahar melala nggeluh bas teruh kopi anak kuta Genuren. Batang kayu sadenda memang enggo jadi batang kayu si sengaja isuan men pager juma.
Piga- piga anak kuta Genuren sengaja nuansa bas halamen rumah, men tamamen hias. Tapi lit alasen lain si megegehna sangana kerina anak kuta Genuren nuan batang kayu Nanar bas lebe rumahna.
Alasen si tuhuna kitik nge. Emekap gelah setiap pagi-pagi, suari ras kerabun manuk- manuk Cicempala ruh man buahna. Gelah kicauanna terbegi medakken perpedem jelma. Kicauanna ersahut- sahuten antara sada manuk Cicempala ras manuk Cicempala lainna, men ganti perngatan bujuna men mpuna rumah si enggo nuan ras ngerawat batang panganenna ah.
Tapi enggo piga- piga bulan pudin enda kicauan manuk Cicempala lanai pernah terbegi nari bas halamen rumah Luni. Padahal batang kayu ah nda enda sangana erbuah she kel lalana. Deba biji nahar si megara nce enggo lewat tasakna ndabuh ku taneh sia-sia.
Setiap erpagi- pagi,suari, ras kerabun Luni ngenin batang kayu Nahar si bulungna meratah sitik ah ngarapken manuk siempuna warna mejile ah banci I ninna cinep bas salah sada dahanna.
Bagi dua minggu terakhir enda, Luni harus me kecewa, perban manuk kitik si ersora mejile ah la idah sitik pe, aminna gia sada ngenca. Bas paksana kerabun, Luni ndeheri batang kayu Nahar bagi si la entabeh kapna, bersihkenna piga- piga bulung ras ranting si enggo metua. Napu si teruhna si nidumi bulong- bulong ndabuh.
Pusohna nungkun- nungkun, kuja kin manuk- manuk kitik ah nda? Tedeh ate Luni sora ras warna- warna manuk- manuk si biasana cinep bas ranting- ranting. Tanna si nagangi sapu lidi lemah. Bukna si gedang pediatna erkibas- kibas nebarken bau bunga Renggali.
Sangan manuk kitik ah nda lanai pernash ruh ku kuta Genuren, anak kuta kerina ngakap bagi si lit bene. Deba ngakap seh kel lungen ras la tenang. Lit berita si ersebar bas babah ku babah ras erkembang metir antara anak kuta.
Berita e ngataken adi manuk Cicempala enggo keri mate ni tembak pemburu, manuk- manuk kitik ah nda gundari enggo pindah inganna ku kerangen deleng Pereben, si jarakna ratusen kilo meter bas kuta. Penyebabna emekap perban melala si la mejile bas kuta Genuren.
Manuk Cicempala memang nituki seh kel erkaiten ras perbahanen mejile ras si la mejile bas ingan tadingna. Adi inganna mehuli ras nggeluh damei maka ia ka pe betah tading nce nyumbangken sora kicauannya. Tapi adi si terjadi si sebalikna emaka manuk ah nda lawes.
Suasana ras bau si mehuli entah si la mehuli bagi tempa banci ni rasaken ras ni inihen manuk Cicempala, bagi jelma situhuna.
Ibas kemungkinen e krina erban manuk Cicempala la pernah ruh nari ku kuta Genuren, si banci i terima akal emekap merajalelana kerina pemburu manuk ersenapang angin.
Adi katana daging manuk Cicempala she kel sedapna,kerahong ras bulu- buluna seh kel regana adi ni dayaken. Perbahan sie si erbanca kalak kerina ngalihken mata pencaharianna arah kujuma jadi pemburu manuk- manuk.
Tapi tuhu nge kejadian e si erbanca manuk Cicempala la pernah ncidahken daging nari?
Tuhu nge Luni sakit si la ni eteh ah nda perbahan la pernah nari mbegi manuk Cicempala erkicau bas halamen rumahna? Penungkunen- penungkunen emekap erbanca Ali Gegur bapak Luni melimber.
Ali Gegur reh mbiar sanga keanehen ah nda reh. Pernah Luni erkicau bagi manuk Cicempala, sementara ia sangana tunduh. Kejadian e rusur terulang- ulang. Setiap Luni ngataken mesui bas kerahongna,je ka ia erkicau.
Adi menurut Sukri Kulem, dukun si nituki anak kuta sebagai dukun si jago i kuta Genuren ngataken sada ekor manuk si jadi pimpinen kerina manuk Cicempala lit ikaten batinna ras Luni, nce manuk ah nda si ni saranken men tambar sakit Luni.
Diberu Ali Gegur pas bas kerabun secara la sengaja pernah ngenen anak singuda- ngudana Luni ngerana sisada i teruh batang kayu Nanar, pas ia erusaha metikken salah sada tangke bungana si sangana cerlak. La jelas kai si nikatakeb Luni, tapi bagi ia sangana ngerana ras jelma bas balik batang kayu Nanar si rindang ah.
Pas diberu Ali Gegur encoba ndiher, sada ekor manuk Cicempala kabang bas dahan.
“ras ise kam nda ngerana Luni?” sungkun nandena kemamangen. Diberu si nandangi metua ah nda merhat kel ia ngetehsa bagi lau keran si sumbat nce muncrat bage saja.
“ah labo as ise pe mak”jawab Luni, ras ngelak nce ban- banna ngerende. Batin Luni ngataken ula kel lit sadape jelma ngetehsa ras ise ia ngenara,termasuk nandena sisada.
Bas pepiga wari perjumpan ras pengeranan ras manuk Cicempala ah nda, Luni mbaru ngetehsa situhuna manuk Cicempala si selama enda erkicau men ia emekap suruhen bas batang kayu ras bulong- bulong kerangen sekitar danau Lut Tawar, ingan ija Luni ras kuta Genuren tading.
Pengakuen manuk ah nda emekap suruhen bas ribu en jenis ras macam- macam tumbuhen ras juta en hektar kerangen si enggo gundul nidormali kalak. Wakil bas sada wilayah ras lingkungen kehidupen si terancam masa depan ras keasrianna.
Manuk suruhen ah nda erpesan ras mbere akibatna men ise saja arah Luni. Mbegi ancamen arah manuk kitik si biasana lemah lembut e Luni langsung lemas, pucat, ras mbiar. Nce mis ia ndabuh ku taneh ras lemah,Ali Gegur mis ruh ngangkat anakna si diberu sisada ah nda ku rumah. Pusohna lanai tenang. Lanai ndekahsa kuta Genuren jadi meriah, kalak kerina enterem ruh.
Pas sangana anak kuta ngerumuni rumah Ali Gegur, bas arah tenggara rempet- rempet ruh ratusen manuk Cicempala ni ikuti hembusen angin metir ras udan medir. Kalak kerian mbiar,erkemamangen. Tapi lanai ndekahsa manuk ah nda bene she kel cepatna bas das udara, angin ras udan pe mis reda. Lenga terjawab kerina penasaren anak kuta, Luni rempet-rempet cinder arah pedemenna. Suarana berubah jadi sora sekalak dilaki dewasa, ras erkata men krina kalak sireh perban bencana si nimpa kuta.
Dua tahun dung kejadian e nda kalak tetap nembak manuk, ndormal kerangen, nutong sanggar- sanggar ras perbahanen si lain si ncedaken alam. Ali Gegur ras diberuna mbuat keputusen gelah mis pindah bas kuta Genuren. Ia la tahan nari mbere penjelasen men anak kuta tentang bahaya perbahanen kalak ah.
Adi rusur Ali Gegur ras Luni ngingatken ras encegah kebiasaan si la mejile anak kuta, bapak ras anak ah nda reh ni musuhi kelake kerina.
Ali Gegur ras keluarga terakhirna lawes nadingken kuta Genuren. Pindah ku kuta lainna si banci ngalo- ngalo kalak ah nda alu mehuli. Ija masyarakat ras anak kuta rusur jaga kelesatarian dan keseimbangen ekosistem alamna. Gelarna kuta Beruksah.
Kuta si sebagian tanehna perkebunen ras sabah, sidebanna nari kerangen meratah, nce deba nari emekap lau galang ras gedang.
Bas keadaan alam bagi si e Ali Gegur ras diberuna bebas erusaha ngidupi keluargana. Luni pe gundari lebih sehat ras mejile dari pada sidange. Perbahan ia banci balik ngenanami kehidupen alam ras makhluk- makhluk kitik si lit bas jah.
Pas bas suari i persimpangen dalan sanga Luni balik bas pinggir lau, bas datas batang kayu, rempet- rempet ia mbegi sora Cicempala erkicau tawa. Luni sengget luar biasa, ia pe idah meriah ukurna perban manuk si nikirana enggo keri ah nda gundari ruh.
Pas bas kerabun pepagina, manuk Cicempala ah nda ruh rubati bas ranting bunga kede halamen rumah, ras lompat kujah kuje manuk ah nda erlkicau bagi lit tempa tena katakenna.
Pas tengah wari sorana bene. Rasa penasaren Luni erusaha ndarami ku ja kin lawesna manuk ah nda. Ali Gegur si baru saja suh bas juma dungna ikut ndarami. La nisangka, manuk ah nda reh bas depan kalak ah nda ras kerahongna si kitik.
Kicauanna si lembut, manuk ah nda ngataken adi kuta Genuren si tadingken kalak e gundari enggo jadi danau. Kerina kehidupen gundari enggo jadi genangen lau. Anak kuta Beruksah sengget. Bas waktu si sitik berita e nyebar. La ndekahsa kalak kerina ras wartawan bagi erlomba- lomba ku kuta Genuren, nungkuni piga- piga kalak selamat ras moto kepingen rumah si sisa.[]
*Dipetik dari Buku “Satu Cerita Burung Cicempala Dalam 14 Bahasa”, karya Salman Yoga S. Perpustakaan Wilayah Provinsi Acehh, 2019.
