Utem

oleh

Oleh : Saifoeddin Kadir (Zuska)

Utem benelah
Besengkar tuyuh numah
Gere i angkap-angkap
Gere i bebelah
Gere i rerecak
Gere i sesikah
Geris beregos rempak
Matur gere mucecungkah
Wan sengkaran, tuyuh numah
Peneking ni ruang, kati timanglah
Utem benelah
Bun jema kin tempah
Kumah ni empurah
Munemah gah
Megah

Utem rimis,
Ara ko ranting kayu anak
Tetemas tengkah
Sesara jenangkat
Langkah bege’nye’ng
Ku umah i tunyak
Gere jen beringi wan sengkaran
Nge minter seselang ni keliliken
Surang saring gere dewe bantah
Kin pentarong tunu jema
Empot-empot tutung
Sintung surung

Utem bentor,
Belide ralikke
Simehate uluh kuru e
Utem bentor pengalut ni jema
Mumangan bojor-bojor
Pepala ilang rara mujengkele
Nunger ni empot
Gere ne mu bere
Taring ebem
Bengi

Utem kelotot,
Utem kucak
Bis kin penilang ni rara
Penilang ni songkoten
Pong ni awas-awas
Dedongkol
Pesam si munite

(Banda Aceh, 30 Maret 1990)

Comments

comments