Ine Kin Anak
Ike ku ama taonte mulie
Ike ku ine enti kite durhaka
Tuyuh ni tapakké taon ni serge
Ike kite temerke oya jelen ku neraka
Ku ama ine sudere pengén gelah terang
Ini syair kami denang kesikurang maaf pen keta
Kite mulie sudere kerna kejang ine
Kite murege ari payah ni ama
Kegere ara usaha ari jema tue
Sinting di hine kite morip wani donya
Ke ara rejeki ibagi imen kin kacu
Si turah i bantu ke enge mampu enti datén nyanya
Saat si belangi gelah lungi ko wih ni tau
Engge cecép né madu wih ni tau gule ni pola
Jasa ni urang tue gerené h tercari
Gerenéh terganti ke ibeli bier kite kaya
Turah urum doa ibaca ko gelah gati
Mejen ama ini mu niro dandang kupi ilang
Sekejeb berutang dang rengang sebelum ara
Kin belenye ni anak ku si munemah
Ari ranto dagang kin anak ku sayang
Enti kurang belenye sekulah
Oya mulo keta kejang payah ni ine ama
Wajib manusie ku kite mubeles jasa
Ke sakit makit musepet turah i sino
Enti julen ku jumpo ike nge tue osan ku jema
Ke nge ara salah bersemah ku ine ama
Wan ulen reraya dang pasa
Enti asa lupen mohon nasehat
Manfaat itiro selamat wan donya
Bahagie akh é rat serge
Anak ke panglime ike ama mujadi reje
Ke anak bahgie ama ine delé di nyanya
Kin penjege ni kumpu nesah ni baju kin peningo
Kin penjerang kero i Gayo enti sampé ara
Gere n é h teridah payah kejang ni ine ama [SY]
*Karya no name, dipetik dari naskah lomba Saer Gayo Organisasi Forum Silaturrahmi Pengajian Ibu-Ibu Kecamatan Lut Tawar (FUSPITA) Kabupaten Aceh Tengah di Gedung Olah Seni (GOS) Takengon, pada tanggal 16 Januari 2019.
