Hasrin Z Bersah
Jep senuen ni jema mumaral uwah
Gere nguk teridah renye munene
Tetut gerinem ke gere i osah
Laing kekuah gere berede
Wan mumutik gati singah
Ku sidelé teridah sabé munyino
Sesire remalan munetah langkah
Matapé juah sire berkekire
Selang serlo renye mutenah
Siturah sawah ku duduk ni tenge
Cérak sene sesire berakah
Taringen nemah ku owas ni rege
Kul kucak béwéné turah
Tasak matah mengkal mude
Turah mutentu gere nguk salah
Mera kin masalah ke gere sedie
Bibes ni kiding pumu pé pacah
Gere ilen i jurah renye mujangko
Ike lememtu kasé munosah
Dengki amarah upet gere pure
Ike ara kasé laing munungkah
Bagé si sawah simen si mungune
So i turuh ini i pepegah
Ke gere itetah mera kin bele [SY]
Takéngen, Mei 2026
