[Puisi Bahasa Gayo] Osop Maruah Edet Benasa
Hakimiadi
Jarak langkah dele si éngon
Perkembangen donya asal nge beta
Sediken rusak sa isalahen
Osop maruah edet benasa
Gayo suku si jeroh
Gere memilih ke kin sudere
Si gaéh ni mejen pé ogoh-ogoh
Gere muninget isi taring te
Sana si terjadi kusi aku mungune
Kemel gere terperi
Temuni kune caraé
Simubetih delé singune
Mukune die tanoh serambi
Kepelejeren ku generasi
Gelah jegei meruah Gayo-ni
Enti dewe kite sabidiri
Entap koro jamu si gere ngerti
Akal kin pangkal
Belenye ikekire i
Dalih sepoh idenie ni
Maté barang si pasti
Delé model seni berite
Daléh sikotek si kite cerite
Aha nge kemél sdikenjema mungune
Gere tertuni jelas haif te [SY]
Arul Kumer, Feb 2025
