[Puisi Bahasa Gayo] Kayu Rubu Uyeté Musebu
Hakimiadi
Hejet kin niet
Bulet tekat nge pasti
Buge enti murubah sipet
Ari ilet témul ni dengki
Si paling jeroh kin penetah
Kati mutamah budi pekerti
Si jahat enti perin salah
Gelah itetah enti ku kiri
Si namat parang jelas jema besekulah
Si empu ni empus jelas petani
Nyenohi baju anak sekulah
Si kin perajah nume tengku ngaji
Ike jemen bawar kin pelapah
Sinamatépé jema mutentu
Mesin besilo gere berelah
Musapat jangut usipé selalu
Nahma ni Gayo malé isaring
Jema penting malé kin ulu
Enti salah jeru kasé masamjing
Rupenpé peliek ari Cut Gapu
Si kin reje jema berimen
Gere terusik gere terésot
Udah lupen nge ikunulen
Rupen pergeraken nisé irémot
Hati-hati wo suderengku
Gelah iyéngon simunetah tentu
Kati jeroh kayu sirubu
Sikerna uyet nisé musebu [SY]
Gayo, Agt 2024
