[Pusi Bahasa Gayo] Tetah Munetah
Hasrin Z Bersah
Doa doa mukepung
Munemusi kulit sitipis
Bejamahen wanni usi
Sekutu gere muwujud
Besyarat tenironne
Betelangke urum kuyu
Bejule urum wih
Benemah urum sisu
Wan sara tamun munetah tentu
Ilet dengki khianat
Temetap wan sara ate sibegeli
Doa-doa betiro
Ku empuni denie langit urum bumi
Urum kelimah suci
Buge luke mujadi magih
Bise gelahmi pulih
Beserah diri muikhlasen ate
Kire isyarat gelah mugerle
Kunci renyemi muke
Bengimi porak wan rembege
Sejukmi porak wan dede
Jarak ari bele rum seteru
Awah mugerak pumu betatang
Kekire munuju rum kiding belangkah
Kujelen lempang atawa muliku
Semperne ejet pinte
Langkah selalu atawa museltu
Deme ku ate diri
Puren bewene i penangungjewebpi [SY]
