[Puisi Bahasa Gayo] Gempa Ketol Wan Mata
Hakimiadi Rawe
Gere mu tene sanah pé rupen
Bele murai gere metih kelem
Mupisah séba biak serinen
Takdir ni tuhen ta kukunehen
Besesangka kekanak şimen
Séba tengah galak wan éngonen
Beta kadang retak ni Tuhen
Bier ipongoti turah ikhlasen
Serempah puset ni gempa
Delé di kampung kona dampak ké
Ton ibadah delé si rata
Petene ni Tuhen ku jema delé
Liwet ruhul sebelem ashar
Beta le retak asal muloé
Donya mugerak nge lagu teger
Pipet sangka jema si delé
Ujian ni Tuhen gere metih tempat
Sawah waktu sasarné tepat
Rakyat jelata urum si mupangkat
Gadoh arahé gere ne mepat
Sepuluh tun waktu si lalü
Malé male bene wan ingetenku
Seni muke kengon cerite
Sana de maksud sana cerite
Doa sempena kukurimen tentu
Kin si mulo peserinenku
Buge iterime Tuhen amal ibadahmu
Serge ni Tuhen tempatmu selalu
Tanoh Gayo, Juli 2023
