[Saer Gayo] Si Bernyawa Maté
Tgk. H. Harun Rasyid
Wo suderengku rata béwénné
pesan ni Tuhen enti lalé
si bernyawa murasai maté
gere sahanpé si gere benasa
Si berkuasa tinggi pangkat
si miskin hidupé mularat
sekali pun sipil atawa alat
so luang lét turah i rasa
Ke anak Edem ulak ku Tuhen
bier rawan atawa banan
oya nge putus béné amalan
meléngkan taring tulu perkara
Pertama sedekah jeriah
tengah i denie mera posah-osah
ku mesjid atawa ku mersah
mera munosah ku jelen agama
*Dipetik dari buku “Saer Alam Kubur” Tgk. H. Harul Rasyid. (Jakarta: Balai Pustaka 1984). [SY]