[Saer Gayo] Wabah Korona
Karya: Pak SIS Lambhuk
Diterjemahkan secara bebas ke dalam Bahasa Gayo
Oleh: Salman Yoga S
Didedikasikan Oleh Dr. Sehat Ihsan S,M.Ag
Sebagai Media Kampanye Mencegah COVID-19
Assalamualaikum ku biak suderengku
Puji ku Tuhen pemulo ni peri
Shalawat den salam kite sawahen
Ku nabi penuten Rasul mulie
Wabah Corona syairku atur
Muloni wabah ni ari nenggeri Cine
Besilo nge sawah ku kute urum ku dusun
Nge méh rap rata ku seluruh denie
Penyakit ini awalé géh ari benatang
Besiloni nge kona ku manusie
Matuk den bersin, sesak dede muloi timul
Hinge akhéré sawah ejelpé ku kite
Wabah Corona ni mera munular
Murah tersebar ku jep heme atawe jema
Mari mat jari munamat anggota
Langsung mera munébah paké oya
Wabah Corona sunguh kejam é
Gere peduli tue atawe mude
Ulama Shalih bierpé jema dejel
Méhné mera tekona
Gere peduli warna ni kulit den asal ni nenggeri
Béwéné jeb heme disné we ike kin Corona ni
Agama iperkuet munangkal pengaruh
Kul kucal kurus gotol béwénénte rata
Uwo biak sudere iwanni nenggeri
Enti bebtu anggap diri kebel ari Corona
Turah sara basa kite sara donya
Jarakken diri den keluarga ari Corona
Gelah mugati mubasuh pumu
Kadang ari gere sadartu wabah nge ara
Enti dekattu urum jema sigere mutoho asal
Ikepé turahdi we rap gelah mujarak sekiter sedepa
Ike mudemu entimi mulo bermatjari
Gere renye ntap noya murengang silaturrahmi
Enti mulo mukekerumung ibarik si tempat
Iyoné wabah murah munébah minah lekat
Kunul murum i warung ngukken iperén mulo
Jerip ni kupi ari wan gelas kaca
Apalagi mukekamul kunul sara meja
Sesire munonton film India
Owu biak sudere kite perlu sepeden
Mujege harkat heme umet ni manusie
Turah berpapah sepupu sepenrangé sejelen
Buge virus laknat ni tir pejem gere né ara
Ya Allah ya Tuhenku si Bayak
Jarakko kami ari virus Corona
Sunguh kami lemah ya Tuhenku
Kami gere sangup mulewen penyakit ni pakan laya
Kebetapé kite turah berikhtier
Enti lupen munatangen pumu berdoa
Buge Allah munosah kemudahen
Kati kite selamat ari kumen Corona
Orop ini syair kukarang
Tabi kutiro kubiak sudere tuah bahgiente
Kadang ara salah peri kata kukarang
Sebeb kami ni mude ilen beden den pemikiren []
