Zat ni ALLAH
Nabi Muhammad nge mumerintah
Nge meta munegah ku ko béwénmu
Gelah ko berfikir ku si jadin tuhen
Alam sekalien lat batat kayu atu
Enti ko berpikir ku zat ni Allah
Baring sekidah dele ni ilmu
Sebeb ko bewenmu nggih mubetih watas
Nume kasé si telas wan mata atému
Kediken oloktu kase ko berfikir
Udah tesewir perin ko lagu anu
Pedehel Tuhen gere nguk ifikir
Gere nguk itamsil urum qies naru
Meh utok minyak urum sosop limpe
Tuhen nggih muconto urum mujudu
Si nguk ifikir nguk ipesaman
Nguk iteleden kusana demu
Kediken teleden gere kite depet
Orop munaran penat munyakit ni ulu
Isuruh nabi si kite fikir
Nguk itakbir alam baharu
Turun ne uren kualam denie
Emun musime iyup-iyup kuyu
Kegere turun uren ari langit
Senuwen jerkit nge dabuh layu
Kupen wan bumi weis munér
Weis mupencér nguk kin minyak ni lampu
Ijadin tuhen bermacam-macam
Iatan asam murip kayu nalu
Kelamun minum berwarna tige
Putih ilang ijo bercurak tulu
Mata ni lo terang mucaya
Bulen purnama mejen telan rewu
Iyok wan ni uten bermacam bage
Séba bedenne ulung ni kayu
Wan uwah ni gele nguk murip iyok
Gere ke tekok kekire tumpu
Si jadin tuhen oyale miselé
Bumi kin teté langit kin supu
Oyale sifikir isuruh nabi
Enti zat Illahi tuhen yang satu
******
Kiriman : Novarizqa Saifoeddin
Abdurrahim Daudy dengan nama pena Mudekala adalah seorang ulama di Gayo yang selain menulis saer juga sekaligus dapat menyaerkan dalam acara-acara tertentu,karena beliau memang memiliki suara yang merdu.
Tafsir Al Gayo, adalah salah satu karya sastra beliau yang di cetak di Mesir, Kairo tahun 1938.Lahir di Kebayakan, Takengon, Februari 1910, wafat tahun 1961 di Baleatu Takengon
