Salman Yoga S
Ari Gayo kami bekenak enti né bang ara muriak
Wan kulem tenang denie umet ni manusie
Perdaméen negara nge cacak kin rakyat si munyatai damé
Sebeb nge kite rasai ari jemen pudaha mi
Gere ara perang si munemah berkah
Selain sumpah serapah den osop ni nayawa heme si gere mudosa
Damé mi kam Volodymyr Zelenskyy Urum Vladimir Putin
Enti bededatén kin hejeb ni rakyat
Gelah munéngon kite kugalak ni jelata
Anak gere berama
Banan gerené berperaman
Gelus ni kebahgieen ari perang si gere bersikalahen
Seni entap ni perang béwéné méh bala-bili
Mukepir atawe musangka kuluer negeri
Munaringen ume perempusen
Umah den elem-elemen musayaf ni nyawa
Osop bahgie, bele munyatak ari segele sisi
Takéngen, 2022.
*Dipetik dari buku Kumpulan Puisi Bahasa Gayo “BELBUK”. Takengon: The Gayo Institute (TGI), 2022, hal 119.
