[Puisi Bahasa Gayo] Wih Iwan Lut Ijo
Lala Maulina
Ine amaku
Delé alak si nge mujaril
Simen di nge gigih
Demi mumérah rezeki kin kami anakmu
Sitengah kuliah mununtut ilmu i negeri ranto
Kulangkahen kiding ari umah taon lahirku
Kutaringen kampung elem-elemenku
Mupisah urum jema tue-ngku
demi mungenal ilmu kin bekal puren
I nenggeri ni jema aku besilo
Belohku mujaril ni luh ari mata
Buge ulak puren ku kampung lepas munangkuh wih ni mata kebanggaen Wih mata haru
Wih mata kebahagieen
Harapenmu kin anakmu buge langngo kasé mujadi jema mugune i denie urum akhirat
Ama ine-ngku manatmu mujadi awas-awasen wan muripku i ranto ni jema
Mujadi ingeten sawah ku maté
Gere mungkin kulupenen jasamu
I kute ni jema aku berjuang
Berjuang sire néro tulung ku- Tuhen
buge ulak ku kampung munemah gelar sarjana
Berijin ama
Berijin ine
Kerna doa urum dukungenmu
Mujadi penyemangat wan perjuangen muripku
Jasamu lagu wih iwan lut ijo. [SY]
Lala Maulia, adalah mahasiswi
Jurusan Ilmu Perpustakaan UIN Ar-Raniry,
Kelahiran Bintang – Aceh Tengah.
