[Puisi Bahasa Gayo] Jema Pejenyong i Simpamg Lime
Salman Yoga S
Bunge si mörip i geniring jelen kemang
Ulungngé bejunté ku aspal ni dené
Lagu rak kucak si musompong
Jema rawan kucak oya pesesuk munyérén
Bedenné ku tugu
Munosopen ingeten tentang sara amarah
Ketike lembaren buku menulis paya-paya si nge kering
Semala kucakké mulapuk i tuyuh ni menara
Masjid Raya Ruhama
Den tudung putih ni engié musebu urum oné
Tgk. Ilyas Leube pebening
Jema rawan kucak oyapé beséré mungerut ni seliben
Hinge lapangen perbalen si ijo hilu ari mata
Masa tengah kucak-kucak temabur urum waktu
2018-2020
*Dipetik dari Buku Antologi Puisi Bahasa Gayo “Likes” Bab “Takéngen”, hal, 7. Takengon: The Gayo Institute (TGI), 2021.
