[Syaer Gayo] Tgk. Ashaluddin

oleh


Kalimah Tujuh*

Gere ara lain Tuhen
Melainkan Tuhen Allah
Nabi Muhammad i kirim Allah
Mah peraturen ku hamba Allah

Nabi Muhammad Rasulni Tuhen
Munyawahen suruh tegah
Suruh tegah isawahan Rasul
Kati enti murakul benar urum salah

Gelah tetap ingeti Tuhen
Enti lupen wan senang susah
Wan senang susah ingeti Tuhen
Oya baru imen iakui syah

Mendepet nikmat i puji Tuhen
Gelah i ucepen ingeti Tuhen
Ke wanni belepé ingeti Tuhen
Mudah-mudahan mendepet luah

Oya bele kin pengujin
Si berimen suci i soné i érah
Nge kuwan bele baru i betih
Si berimen pedih depet teridah

Bier baring kune perputeren zaman
Iktiket ku Tuhen enti minah-minah
Kati depet ridho ni Tuhen
Gelah i bueten si benar perintah

Ridhoni Tuhen kul paédahé
Sa mendepeté wé jema mutuah
Akalimah tujuh léloni até
Sa muningetié gere gelisah

Gere gangu gere macik
Gere usik gere gunah.[]

Dipetik dari : http://lkara.wordpress.com/2008/08/12/tgk-ashaluddin/#more-183
Tgk Ashaluddin, yang diposting pada bulan Agustus 2008.

Comments

comments

Tinggalkan Balasan

Alamat email Anda tidak akan dipublikasikan. Ruas yang wajib ditandai *

No More Posts Available.

No more pages to load.