[Puisi Gayo] Uber-Uber
Yusuf Alfoba Kenawat
Uber-Uber
geralni tempat
peruweren den kampung
tonné lues mubelang
mubentang urum kerpé ijo pedenang
Ari sagi teridah tumpukmu
jumpun kerpé lemi lagu bersuwen
tempat si mumerjak ume iluwahen
Uten rime
berapit Atu Masjid
arul Pasér Putih beratu suasa
ara ilang ara ijo urum berbagé warnaé
Kampung Rosip gere gip ari soné
munemah den munaso cerite Gayo
Samar Kilang sarami
sara kampung tue wan cerite ni datu
asal kampung ini mokot nge ara
gati isesebut wan sejarah
Uwo Uber-Uber, Rusip Samar Kilang
kune de nge cerite den kebermu
ara ke die sawah salamku
ara kedie ilen ton musilu
pembangunen mantong kengon beta-beta
lelang lungun, tangung kujangko
musemelitmi kire matani pemerintah [SY]
Takengon, 2014
Yusuf Alfoba Kenawat, pria kelahiran Pondok Baru Bener Meriah, alang melintang dibidang bisnis media di Jakarta dan Aceh. Sejak Januari 2014 bergabung bersama media LintasGayo.co
