Salman Yoga S
Uyem tue oya penjenyong, tungel
Ongot tafakur i karang baur si nge lémus
Layang ni ulung si arih-arih metuh munganung kelsih
Kuyu gere tir munengkam terbangngé ku danau ijo
: maapen aku ike jema si nawé turah mutelnom wan wih ni ilih dirié
Buntang den manut wan ipon ni gergaji
Muserit ku lauten si gerahen
Uyem tue oya berpayung ku langit
Munetuhni sara roa uwahhé sebagé inih si akan sesuk
: ketapé mata-mata oya munenepié sebagé pemanganen
Gayo, 1999
*Dipetik dari Buku Kumpulan Puisi Bahasa Gayo “Pungi den Pakanlaya”, Takengon: The Gayo Institute (TGI), 2020. Hal. 41.
