Melati Simahbengi
Kenangen waktu kucak ku betari tari i pelupuk mataku. Dem senanggé dan bahagia é dan kesedihen si mulekat ari kenangen oya. Ama urum ine seirama sekata i wan mudidik urum munekol aku.
Gere penah ku éngon seger pé wajah pebersut urum hék i rupe ni ine amangku. Pedehel aku gati munetos pakéa giging rum bengis.
Muniro sesanah dor turah ara, ike gere ara mera seseger mungamuk bengis-bengis gere munentu sampé mu jejorol i wan tanoh. Gere ku betih ama ku gere mesén, pokok é aku jajan. Ku ingget cerak ama ku waktu oya urum mata é si mulotot nge ilang.
“Mukune ko, Bengi?
“Aku malé jajan ama. Aku néngon jajan énak-éak delé pedéh i umah ibi. Aku niro penan ne sara nye i kemék né aku.
I perin né ama kunul-kunul den i umah dalih bebuet. Peri é anak putéro-téro jajan sementara gere mesén. Peri é ama turah ku empus so! Ku perin ku ama urum monggot ku.
Hana ti ibi mu becerak lagu noya ku ko? Ipak dalih néh ko néro sén urum ibi mu. Kasé i periné ama gere mesén urum ocit ko turah rajin sekulah belejer turah jeroh anak ku kati mujadi jema sukses.
Insyaallah mȯrip te berubah urum sudere mera mengakui kite kin sedere é. Jamur ton taring kite ko jadinen lagu istana si megah den mewah, cerak ni ama urum wih mata é mu jaril ku dagu é.
***
Lo minggu ama urum ine siep-siep malé ku empus. Delé pedéh pesiepen ara kero iwan rantang, pingen, gelas, gule, jantar, keropok, ruti, urum kupi wan termos. Ling amaku kami tengah munayon barang-barang kin ku empus i wan keranyang.
Kite turah te ku empus! Mané ama ku empus delé pedéh tasak kupi te. Ujut né i osohi jema ike kite gere tir ngotip kupi sé nge ilang.
Hana belenye dapur te lang? Kune sén sekulah rum jajan kekanak, Ike kite ngutip serlo ni? Cerak ine tengah munamat keranyang seberisi persiapen kami mangan ruhul urum i kumu é munamat termos si ara isi é kupi.
Cerak ama sire mengunci pintu umah kami si berering papan urum kayu, ukuren umah sekiter 6 meter x 7 meter. Ntah kita remalan ku empus, pasti nen barang te bewéné gere ara si taring.
Matanlo wan lo soboh bersinar terang urum wih emun mu basahhi ulung sekami demu i sepanjang jelen . Kuyu segar urum hamparen mata mumanang déréten bur dan urum batang-batang kupi. Aku urum Ardian si encu remalan lebih tir ari ama ine kami pertama sawah ku empus.
Ardian urum aku, kami pecengang urum uwah kasmak rum asam si nge koning i wan batang ngé si nge ijo uwah hé netos uluh urum mugoda kenak né ku uweten urum kupangan nye. Urum senandung ling ni manuk soboh si lungun penadi. Lengkap pokok é keindahen soboh ni.
Aku urum Ardian beluh ku batang asam si bersebelahen urum batang kasmak Ardian nik batang asam renye aku nik batang kasmak ku pakék kayu.
“Ku pengé ling ama dekat ngéh ku kami, kasé sakit tuke! Uwah kasmak enti i pangan sebelum i renem wan sidah lo ni, Ike langsung i pangan pit urum kelat rasaé. Ike malé ulak kasé baro kite angkap uwah asam urum kasmak besilo kite fokus ngutip kupi mulo!” Kené ama.
“Boh ama.” Jeweb ku.
Ama urum ine sunguh pedéh ngutip kupi kumu é terampil pedéh rum lincah mungenal uwah kupi si warna ilang i batang kupi si delé ijo ilen urum delé motik ke.
Aku urum Ardian gere mera kalah kami pé ngutip kupi urum barisen kupi si berbeda arah hé urum barisen ama ine.
Ine mu demu i kami nye mununton kami mengutip kupi. “Enti luncet-luncet bares sé nak é, ngutip kupi wan barisen ujung sawah ku ujung. Ngutip kupi sawah tuntes enti ara kupi warna ilang taring i batang ngé karna ine gere sempat mumerikse batang-batang kupi si kam kotip uwahé.
Ngutip kupi enti betampuk nye turah ilang si kam kutip!
Pas teduh, Ardian urum ama urum ine minum kupi nge mangan ruti i jamur. Aku i arap jamur netos umah-umah hen i tuyuh batang asam mu nyamung-nyamung upuh panyang ku batang asam kin kujadinen kin séng ulung nawal kin alasé. Nye aku nomé i wan umah-umahen.
Uwet ku pengé ling ni ine munalu geral ku. “Bengi oh bengi uwet nak é mangan mulo nge ruhul. Ho ama rum Ardian nge siep semiang entah kite mangan murum.
Aku si temunuh ilen mayo ku jamur, tanpa arih-arih nye musentat ama entah ari si ngéh ée, ama mubantu aku sesuk urum mubersihen tanoh urum kerpé si lekat i baju ku .
“Anak ku lén lo turah arih-arih, enti jem 12 ko nomé delé bahaya é ike nomé jem lagu noya i empus apalagi i empus. Untung ko sehat-sehat. Lang-lang ngo ike nomé nguk ruhul urum nomé e i wan jamur enti néh i deretni jamur.”
Aku nurut nye nuet uwih semiang ku kamar mandi siber rering plastik terpal i kuduk jamur. Kiding ku sakit pedéh ku paksa remalan, siep semiang urum mangan baro terasa pedéh sakit té. Pas mangan aku sine gere pas pé menikmati énak é penjerangen ine urum énak é mangan i empus.
Ama mumerikse kiding ku nye mururut urum ulung, ntah ulung hana rasa é bengi pedéh ku tulen. Sakité bekurang tapi beden ku rasaé lemas pedéh.
“Ko meliki enti kusi kusi. Istirahat den kami lanjut ngutip kupi mulo.” Kené Ama.
Terasa nyesal i dede, hanati aku gegabah pedéh kati nguk mubantu jema tue malah jadi merepoten keluarga. Lo nge i iyo nye kami ulak ku umah. Kiding ku si muliki gere pas ilen remalan.
Ardian urum ama mu nemah aku remalan, pertengahen jelen aku merasa letih sampé ku umah ama munemen aku i kerlangé. Ardian urum ine kedik munéngon aku i men lagu kekanak padahal aku nge kelas 6 SD. Untuk beden ku koros.
Lo lo berlalu aku nge hati-hati dan belejer rajin. Keluarga ku juga mumanfaat kan empus selain kin kupi juga munyuen senuen jantar lagu lasun ulung nye wortel hasil ari panen. Sén né kin memenuhi kebutuhen kami sekeluarga, mubayar sén sekulah urum sebagien i tabung ine i bank.
Ardian nik kelas 4 SD. Aku melanjuten ku SMP favorit i Takéngen. Proses daftaré secara online den offline. Sistem mé jeroh pedéh nguk mengunakan hp urum leptop kin mengisi melangku pendaftaren urum ujien mayo sekulah.
Allhamdulilah aku lolos selanjuté melaksananen daftar ulang urum melengkapi persyaraten mayo lagu foto copy akte kelahiren, suret keterangen ari SD, rapot SD, daftar prestasi akademik urum non akademik sewaktu i SD urum suret kesehaten ari Puskesmas.
Walau pun kami taring i Lampahen Kabupaten Bener Meriah, tapi informasi penerimaen peserta didik ayu murah i kenal. Segele informasi tentang sekulah ku SD negeri 2 Takéngen nguk i kenal i media sosial sekulah. Pokok é sekulah ku keren pedéh nguk jadi motivasi kin rajin belejer.
Semester 2 kami mulei mengikuti kegieten ekstra kulikuler ara sanggar nari, Pramuka, marcing band, kelas nulis, ngaji, urum olahraga. Kegieten ini nguk i pilih sesuai bakat urum minat peserta didik. Aku mumilih ekstrakulikuler menari kerna hobi nari tarien Gayo nge menyatu urum jiwe ragaku.
Kegieten seminggu seger i bueten setelah jem belejer soboh. Ulak sekulah kami i bimbing urum guru pembimbing. Kegiaten ini menari wan belejer dasar-dasar tari urum kelenturen beden urum pumu. Latihen ne gere genap i sekulah pelin tapi i umah juga.
Pas belejer i umah aku i cerakki ine.
“Ike nari pumu agu ini.” Perin ine.
Ine mulatih aku nari daérah lagu tari munalo, tari ranup lampuan urum tarien nasional gere nancing pedéh Ine ku rupen waktu se umur ku ine ku nunung kelas nari sawah masa SMA aktif jugak nari.
Sawah ku sekulah guru pelatih memuji gerakan tarien ku, ku ceritenen bahwa aku i umah i latih urum ine nye becerite delé hal. Ari cerite oya rupen ine ku sara sekulah urum guru pelatih ku rupen tenggah ha paké a penari. Sigati munisi acara sawah ku ibuk kota negara kute i Jakarta.
Nye ari oya kam béwéné turah rajin berlatih i umah. I sekulah kite latihen cumen 2 jem oya pé hanya pas wan jem 3. kadang kin penari i peri jema kite banan genit urum penggoda jadi ari oya jege sipet kesopanen kati anggapen oya gere mulekat i wan sanggar kesenien kite ni.
Baju kite munari turah nunung tuntunen agama kam béwéné turah disiplin semoga ngumpul mununung jejak ibu urum ine ni Bengi nguk munari sawah pentas nasional bahkan ike nguk kam munari i panggung nasional.
Ling panjang lebar ari guru mucambuk semangat ku kin belejer muwujuten mimpi ku jadi penari se mendunia dan cita-cita ku jadi dokter.
Aku gati tampil munari munalo urum tarien kreasi Gayo lén né. Tari munalo ni i gunen kin nyambut jamu urum acara jema kerje. Nari nge sawah ku Delung Tue Bener Beriah, Kampung Asir Asir, Belang Gele, Bukit Sama urum Kampung Kelitu. Nye jugak beberapa kali tampil nari i panggung sekulah urum i kantur pemerintah Kabupaten Aceh Tengah.
Rupen né hal ini noboh ibi ku keponaken wé gere senang munérah kesibukenku. Waktu i umah anan aku ku pengé langsung ibi munyerak aku besilo mujadi kuso-kini nume nurus urusen sekulah. Aku sedih bedeh mengé wé nye langsung ulak gere jadi mayo kumah anan semelahen gere gip ari umah ku.
Aku ulak langsung mudemui ine sitengah munuwet baju ari jemuren i elem-elemen.
“Mukune ko Bengi? kune i urum heran i wan oléken ine ku ceriten hana di ku pengé nye ine menasehati aku urum bijak.
“Ngih dalih ayon i wan até ibi mu jeroh wé khawatir urum ko a kati buktin nen ike cerak oya gere betul. Ko rajin belejer urum juga pelatih ine mudukung hobimu. Ko nguk muraih prestasi melalui tari nguk urum tari ko murah mayo ku urusen sekulah, kuliah, nye bebuet.
Tengaha ine gati sakiten akati gere pas kuliah padahal ine depet undangen kuliah berdasarkan prestasi betari. Bengi jege kesehaten urum tetap berpikir positif!”, jelas ni ine.
Nasehat ine netos aku tersenyum urum terbayang perjelenen kelak aku lalu i urum masa é. Nye teringet naséhat guru pebimbing menari. Jadi aku menguasai emosi urum fokus kin cita cita nye juga aktif i kelas menulis munyuge nulis kisah-kisah persahabaten i sekulah tentang kegieten nari rum kisah berempus. Aku jadi galak nari rum nulis semoga cita-cita te béwéné terwujud. Aamiin.[SY]
Takéngon, Oktober 2024
* Penulis sibergeral Melati Simahbengi. Lahir i Lampahan tanggal 23 Oktober 2010. Anak si sulubere ari roa bersudere. Hobié menari rum traveling. Bercita-cita mujadi guru IPA séni kunul i kelas IX.3 SMPN 2 Takéngon. Penulis nguk di hubungi lewat: melatisimahbengi8@gmail.com.
