[Saer Gayo] Selamat Jelen Sebet Karipku
In Memoriam: Salman Fisipol
Hakimiadi Sudirman Rawe
Osop gere ne teridah
Nge mubah se deniente
Hek gere terperah
Nge mupinah jelen morep te
Pegenyur mubujur mulintang kaku
Gerene mugerak bierpe irungu
Mutauk laoh beramuren wan sebuku
Nge beta bang retak ni hakiketmu
Selamat jelen sebet karipku
Gere terelaken takdir ni Tuhenku
Buge serge tampatmu selalu
Oya doa ikhlasi ari ate putihku
Nge osop pong bepakat
Sebelum tuntas jelen situju
Berharap nasip ku kuyu keras
Mu gegerbes batang ni kayu
Ku aku gere mu amanah
Kusi kuperah polok ni tangke
Wan jema rami mataku juah
Siteridah nge pelen sange
Jema jeroh dele curake
Gare bewene singok kin uak
Asal nge beta bang hakikette
Nge minter bene paong bersurak
Takengen, September 2020
Hakimiadi Sudirman Rawe adalah pencinta sekaligus pencipta puisi dan Saer Gayo dalam Bahasa Indonesia dan Bahasa daerah, lahir di Janarata pada 1987.
[SY]
Ikuti channel kami, jangan lupa subscribe :
