[Saer Gayo] Foto Yusuf Alpoba Kenawat
Foto
Foto wan ktp oyale tene selo lahir te
Isihen alamat dan sana agamante
Foto wan buku nikah oyale isyarat sah gere né beru atawa bujang kite
Keta seni kite engon foto
Kenak belangi urum komputer i perse
Jerawat sidelé nguk i osopen mata kolak nguk ikucaken
Wuk pötih nguk itemen seliben tepis nguk i tebelen
Cungah simutatang nguk i rapaten ipon sijarang nguk irapaten
Iyung si konot nguk i narunen kemiring si jebang nguk i kecopen
Gomis si gere ara nguk iara aranen siger sitikik nguk i orépen
Salak si item nguk i potihen ulu si lapang nguk i del len
Rupe koték nguk i mampaten ta rupe mampat pé nguk i kotéken
Cumen kin sana arti é gere mepat tujuen
Si paling ngeri foto sebelem sanding
Kenal fotografer si paling genancing
Gere betih karang gere betih tebing kené praweeding
Kenal renye tempat bahaya kukarang berbaju jas kebaya
Dum ménét belangi telas engon jema deba metuh renye benasa
Ini kisah nyata gere carak beta-beta
Ara foto bermacam gaya urum hp android ternahma
Kin-kin diri nguk berbagai cara lagu gere pas jem men pora
Unang-unang gere sengeje kona camera
Sérén diri déba ku kaca kati terindah kuduk pé ara
Unang gere sengeje diri idoranen gere betih kute gere betih uten
Deba mien beloh ku tepi ni totor kune keta kadang nge oya teniron
Si sengit mien foto iwan ni musim pacu kude
Bulang koboi tue mude deba foto urum kude
Kirim kuwan facebook kati ikomentari sudere
Gere ara salah delé pé foto cumen sisi ituruh gelah i perse
Ikemasen wan album éngon waktu tue
Gere dalih ipegah jep-jep lao gere mera merubah salak kenge tos si sara o
Terkecuali setun seger kite tetahi wajar umurpé nge i kurangi
Malé irawat diri urum kebersihen setengah imen kené nabi
Nge delétu bedak malé semiang pé gere jadi
Terih luntur si nge berpari
Delé ilen foto si gere terkaji benar salah hé keta i peragéhi
Kati enti kin bahan cerak ni jema gelah ibening ngenmi
Terlebih ike ngerap pileg atawe pilkada
Adu ine fotoé olokdi sige lagu nume wéné si penah berume
Enta ike nge sawah ku tujuenné
Mejen teridahpé né gere
Unang-unang gere tene den gere pan foto [SY]
Takengon, 2017
M. Yusuf Alfoba, berdarah Kenawat dilahirkan di Bale Permata Bener Meriah pada tahun 1976. Tamatan D3 eksfor-imfort Cermai Makmur Abadi Internasional (CMAI) Jakarta. Pernah bergabung bersama Iwan Gayo dalam penyusunan buku Pinter Senior dengan sejumlah edisi dan bekerja di Bandara Internasional Soekarno-Hatta. Setelah berada di Aceh sejak tahun 2006, ia bekerja disejumlah media cetak maupun media online.
