Oleh : Tgk Bantacut Aman Siti Fatimah
BUJANG JAUH
Tengku wo o o o
enti né lalé/Bujang jauh si nge beluh mokot/Beluh pé mongot wani sarah kata/Muningetti denie kasé nge mokot//
Denie berérot mununung masa/Besilo resam si olok mulumpeti/Munentang edet semata-mata/Apabile resam kin ulu ni buet//
Nge ringen seriet kurang agama/Ike edet ibobon kin penikot/Nge mupat sipet jengkal urum seta/Ike kin are ilen kite munyuket//
Waktu ku hakiket nge turah kona/Isi ni dunie besilo nge pedet/Timur urum barat nge pedet/Oya bewene ku Tuhen muninget//
Kuet mi ibedet ampun mi dosa/Ike isi ni dunie kasé nge tubed/Bacar mi muninget isie nge leta/Oyale jama si galak kin maksiyet//
Nge tangkuh ku deret wé kin ulu dowa/Bujang pujangga munaringen mana/Hukum urum edet gere kalah masa/Naru kin penegu konot kin penikot//
Oya sara kalimat taring kin pusaka/Iyuwet si murege itimang si beret/Oya tubuh ni edet enti ko salah sangka/Cube isenyalis wan sesara buet//
Lagu benang siret ara jejeb mata/Ike nikal eking ikené melo peded/Oya tubuh ni inget iyaman sedanga/Naru konotté//
Tgk. Bantacut Aman Siti Fatimah adalah seorang penyair terkenal dari Kampung Kutelintang, Kecamatan Pegasing, Kabupaten Aceh Tengah. Syair-syairnya dalam bahasa Gayo sering dikumandangkan grup syair yang terdapat di Aceh Tengah.(dipetik dari blog lkara.wordpress.com).[]
*Belum diketahui secara pasti apa yang dimaksud Tgk. Bantacut Aman Siti Fatimah dengan kata “Bujang Jauh” dalam syair di atas. Namun dalam draf buku “Lelaki Dari Hulu Mata Air” yang dimaksud dengan “Bujang Jauh” adalah gelar/sebutan untuk Tgk. H. Ilyas Leube ketika masih remaja.
