Sastra Gayo Tgk. H. Abdullah M (Gecik Tue Mongal)
Manat Kin Beru Bujang
Gantini pemanis engiku ini sibenaré
Bebuet gelah pané ko beru-bujang
Gelah jeroh ko berupuh kubeden
Bersinen ko beluh sekulah kati berfaedah payah orom kejang
Uwo bujang-beru keara ilmu kao terpanang
Kegere berilmu beta ke kayu sangkal ni parang
Ganti ni penggempar engiku siara kudapat
Gelah tepat mengé manat ko beru-bujang
Bertutur ko gelah lemut si lemut patut
I panang mulie tue orom mude
Kati semayang ling ni guru iperhatin
jeroh dirin belangi kacang
Ike jema gere berpimpin Mungaji olokdi kurang
Kaole ipak kaole uwin
Kasé terjamin hari akan datang
Gantini perinu engiku siara ku mesjid
Kin si kucak gemasih lagi semayang
Kedik enti mulelih inget pedih pergaulen bebas
Kati enti melas ko beru-bujang
Waktu temas ringit pé lebih Gayo Acih paong dediang
Paong kedik dele pedi rakan sedih si jarang-jarang
Ganti ni pemupuk engingku singe tung teridah
Peralanen enti juah ko beru-bujang
Sene kedik ilahni dené oya teneé kin jelen dosa
Gelah jemot ko beru-bujang ke resam ni denie
Ari sedenge enge mubatang
Enge beta edet ni bunge
Singah seje kalang memang []
H. Abdullah M lebih dikenal dengan sapaan Gecik Tue Mongal. Ia lahir pada tanggal 5 Juni 1934 di desa Bebesen Kabupaten Aceh Tengah. Perjalanan kesenimanannya bermula pada tahun 1948 ketika ia bergabung dengan grup Didong Kabinet yang selanjutnya banyak melahirka karya-karya emas bernafas Islam. Selain sebagai pencipta syair-syair Didong ia juga menjabat sebagai kepala kampung selama beberapa periode, pelaku dan tokoh adat Gayo yang banyak terlibat dalam even-even kebudayaan. Ia berpulang kerahmatullah pada hari Jumat 11 Januari 2013. Banyak meninggalkan karya berupa Saer Gayo, syair Didong, rekaman Melangkan dan kesaksiaanya tentang perjalanan sejarah Perang Medan Area, G.30S PKI, DI/TII, Gerakan Aceh Merdeka dan lain-lain . [SY]
