[Saer Gayo]
Ibnu Hajar Laut Tawar
NASIB NI UYEM
wo…uyem kusi nge beluhmu
sayang di nasipmu osop ari mata
ko uyem i tanoh Gayo
ari sedenge mu cabang perdu
ike tengaha beluh ku rebe
teles nge ijo ningko pucukmu
ike besilo beluh dediang
nge meh lapang taring tungulmu
ari Lampahan sawah ku Gelampang
nge meh lapang kerpe kemumu
wo …uyem
pabrik Lampahan gere ne mugune
mujadi besi tue kengon tubuhmu
gere né megah lagu sedenge
nasip ni Gayo minah gerelmu
ike tengaha ara PNP
delé gune é ningko getahmu
ike besilo sayang nasipé
nge ku Lhok Semawe ningko i tegu
olok di hejeb urang One-One
edup cabang nge gere nguk ne itunu
i peperus ari kucaké
sawah hinge é nge minah empu
keta selamat mi kao berjelen
urang Takingen taring sebuku
beluhmu lagu ku engon
dené pemintesen so Buntul Kemumu
kengon nge ara ningko tulisen
i baur ni pereben Gayo gerelmu
i ke ulak kase ku Takingen
tetemas i engon ari Buntul Kubu
2001 [SY]
Ibnu Hajar Laut Tawar, kelahiran Kenawat Lut Kabupaten Aceh Tengah, mantan birokrat (Sekda Aceh Tengah), tokoh seni budaya Gayo, serta pengamat politik. Mengisi hari tuanya dengan menulis buku, Saer Gayo. Beberapa kali kesempatan mengeluhkan Gayo akan hilang karena kegagalan generasinya mewariskan Gayo kepada penerusnya. “Gayo, dari ama ke saya, dari awan ke ama, datu ke awan dan seterusnya masih terang. Tapi dari saya ke anak saya sudah gelap”, demikian dikatakan Ibnu Hajar Laut Tawar kepada Kha A Zaghlul tahun 2009 lalu.
