[Puisi Bahasa Gayo] Kemaro
Ceh Sali Gobal
Kemara…ho…kemaro
Wo kêmara…i musem kemaro
Ku langit gere mupucuk
Ku bumi gere muperdu
Gere le layu serinenku
Wo ijo ku ijo
Batang ni bebelen
Rempak nge berôling
Radéné musiring
Wan lemboko ijo
Belat nge rempak teh o
Jujung ku ulu bang
Jangkat si naru lipet due nge
Si beluh ulak téh o
Nge kejang uku bang
Pealéh-aléh pumu iwan ni benge nge
Wo…iwan ni benge wo benge
Wo…iwan ni benge
Nasipmu wan kemara wan kemaro
Besilo kao ku dénang
Nasipmu bang kemara wan kemaro
Besilo kao ku dénang
Kemara…ho…kemaro…
Wo kemara…i musém kemaro…
Kerték ku kekerték
Kukur kutalui
Pujejuah tuni
Puteteles cimo
Kukur si menék
O i semayang leli
Tongkong gati-gati
I cabang ni soyo
Ara ganyang kolak téh o
Muluncet rerak bang
Ara lagu akang lino-lino nge
Ara alas kolak téh o
Si enge berdénang bang
Beluh ku alas bédang pejeje nge
Wo…beluh pejeje wo eje
Wo… beluh pejeje
Nasipmu bang kemara wan kemaro
Besilo kao ku dénang
Nasipmu bang kemara wan kemaro
Besilo kao ku dénang
O…beluh pejeje wo eje
Wo…beluh pejeje wo eje
Wo…beluh pejeje wo eje
Wo…beluh pejeje wo eje
Wo…beluh pejeje wo eje
Wo…beluh pejeje wo eje []
