[Puisi Bahasa Gayo] Ramadhan
Win Ruhdi Bathin
Terih aku mudemu ramadhan
Kerna gere pané aku munisié lagu sikenak den iconton Rasulullah
Aku terih mudemu ramadhan
Kerna gere mampu aku mumelienné, lagu mulieni Ramadhan
Aku terih mudemu Ramadhan
Kerna pasaku lagu pasa ni jema awam
Aku terih mudemu Ramadhan
Kerna lebih mugalakki nesu dari pede Wé
Aku terih mudemu Ramadhan
Kerna hinedi ilen munyamutté
Aku terihmudemu Ramadhan
Kerna kemel aku ke Wé…..
Paya Serngi, 2012
*Dipetik dari Buku Antologi Puisi “PASA” Tiga Bahasa (Gayo, Indonesia, Inggris). The Gayo Institute (TGI), 2012.
