[Syaer Gayo] Hari Raya Haji
Tgk. Mudekala
Sara riwayat ari Siti Aisyah
Munyeder kisah hari raya haji
Udah si nge mungeni buette salah
Keta nguk iubah berconto kuini
Abu Bakar beluh ku Aisyah
Geh ku umah ni Aisyah Siti
I umah ni Aisyah ara roa banan
Munos periesen reraya haji
Ter sepuluhni hari raya
Jema si roa tengah putetari
I sone berdidong bergegalak ate
I sone bersaer urum bernyanyi
I sone bernyanyi nge lemak latun
I sone pantun nge lemak lungi
Muguel gegedem nge mugerancang
Nge mudederang lingni repai
Nabi Muhammad dabuh bernenomen
Galip mumengen tingkah ni kecapi
Sire we bernenomen tutupne salak ke
Urum opohe mupesenang diri
Renyel mugerantang Abu Bakar
Leng mumepar sembilang pungi
Nabi Muhammad rus renyel jinger
Ku Abu Bakar we renyel berperi
Wo Abu Bakar gelah beta mukune
Gereke i betihko ini reraya haji
I sone Abu Bakar gere ni mingah
Kupen nge salah buet sat ni
—
Disalin dari Pedukah Tengku Mudekala
doc. Novarizqa Saifoeddin