[Puisi Bahasa Gayo] Palestina den Kisah Nabi Yusuf

oleh
Ilustrasi Anak Palestina (Net)

[Puisi Bahasa Gayo] Palestina den Kisah Nabi Yusuf

Salman Yoga S

Isesukni Yahudi atas prakarsa
den dukungen negara Inggris
Ketapé penduduk é gere béwéné Yahudi
Umet Islam justru terdélé si ke due
Selain Nasrani

Yahudi ni ara roa kelompok
Ara Yahudi Zionis (Israel)
den ara Yahudi diaspora si tersebar
i seluruh denie

Kaum Yahudi diaspora mukemang
i kawasen Eropa den Amerika
Sebagien elite Amerika keturunan Yahudi
ekonomi den telekomunikasi ikuasai pakéa

Sunguh museserit masalah Palestina ni
Turah mujadi bahan renungen si jernih
Ku kite si jarak den gib ari taonte taring
Enti sawah benci resam kin tenaring

Ini urusen agama
Atawe sebenaré masalah ringit
Oya kati i Palestina lahir roa golongen
Sara mungenaki damé berbendera PLO
Sarami golongen si bergeral Hamas

Kebetapé kite turah bijak den empati
Penistaen kemanusieen si gere nguk idatén
Kerna sabé terjadi nos até berhi

Wan sejarahé kawasen Kanaan
Mujadi tempat berlabuhé bangsa Yahudi
Ari Nabi Yaqub mi
Anak Nabi Yakub si paling delé bergeral Yahuda Den anak-kumpu ni Yahuda le si iperin Yahudi

Nabi Yakub ni ara anak é si mujadi Nabi
Geral é Nabi Yusuf si sempat mujadi menteri
i Mesir wan pemerintahen Farauh atawe
Fir’aun

Nabi Yusuf muanak rawan bergeral Daud
Ketika Yusuf i Mesir isebuten wan Quran
Nabi Yakub urum anak den paké umahé berangkat ku Mesir

Pakéa muhedep ku Nabi Yusuf
Kisah ini sebelum é nge mayo wan nipi é
Ara pitu lemu gotol ipangan pitu lemu kurus
Renye sebelas bintang, matani lao den ulen bersujud ku Nabi Yusuf

Tafsir ni nipi oya akan sawah masa subur
selama pitu tun den setelah oya masa kering selama pitu tun
Nabi Yusuf menusul ku Firaun
Munyesuken keben kin cadangen i masa kering

Ketike kemaro tibe seluruh bangsa
berangkat ku Mesir gune munango oros
termasuk ari keluarga ni Nabi Daud
termasuk Yahuda si mujadi anak si kul

Anak ni Nabi Yakub ara 12 jema
den si kucak bergeral Bunyamin
Oyale kin sebeb simen Yahudi begeral Benyamin
temasuk Benyamin Netanyahu
Bekas Perdana Menteri ni Israel

Takéngen, 2022

*Dipetik dari Buku Antologi Puisi Bahasa Gayo “BELBUK”, hal. 110. Takengon: The Gayo Institute (TGI), 2022.

Comments

comments

No More Posts Available.

No more pages to load.