[Puisi Bahasa Gayo] Lime Asu Tue i Tugu Kute Takéngen. 8
Salman Yoga S
Sesi si ruh jeroh
Sesi si mice
Sesi si bélék
sesi si tinir
Mecah time rébék
Pépék awah cembebék
Sesi si bersih sesi si mengih
Sesi si ruh sesi si ngeruh
Sesi si jolok bengkon
Sesi si kin inyonen
Sesi belide sesi belbes
Geluni penggerbes bibes
Luis lagu sikit ni eges
Malé ilewen gere terbeles
Oyele riweyet ni asu tue
I simpang Lime Kute
Ara kisahku ara kisahte
Ara ceritemu ara ceritente
Kadang ara kona mutelenting
Enti bengis enti semping
Sebeb saér puisi ni pora mugeniling
Tabi maaf kusi umping-umping
Si penting ara wan sejarah
Sinting kuseje si murasa
Harap buge mufaedah
Segeleé kuserahen ku Allah
Takéngen, 2014-2021
* Dipetik dari Buku Antologi Puisi Bahasa Gayo “Likes” Bab “Takéngen”, hal, 8-15. Takengon: The Gayo Institute (TGI), 2021.
