[Puisi Bahasa Gayo] Habil Qabil i Empus Kupi

oleh

[Puisi Bahasa Gayo] Habil Qabil i Empus Kupi

Salman Yoga S

Metuk kenakké ku langit
Pekekit lagu kulit ni uluh kin sembilu
Regit gere tebetih pedih ulu naténgku
Usi urum usi gerené sara tulen
Serinen dengan aka engi
Seruntun jadi berulon-ulon mudoran mara
Tenenting ni rayoh mu iyoh keben rasa

Metuk kenakké ku langit
Musuit ku sejarah mulo jadi
Qabil den Habil bertenonin bengis
Lingis teger iwan ulu
Jin palis bang gaéh besisu
Kati bengis sawah kin penumpu beluhni nyawa

Metuk kenakké ku langit
Ya Allah ya Tuhenku
Ampuni dosa ni kami
Bele sana ini
Porak ni padang pasir
Nge mupesir ku perempusen kupi

Metuk kenakké ku langit
Ya Allah ya Tuhenku
Ampuni dosa ni kami

Emun i Gayo kedut
Gelep kekirengku
Pipet

Pilar Wih Ilang, 15 Januari 2022

Comments

comments

No More Posts Available.

No more pages to load.