[Saer Gayo] Kemaro
Tgk. Ali Asni
Kemaro naru denie kering
Kayu si rubu nge taring ranting
Kurus kering hewan mulape
Kurang kerpe tubuh mu rense
Kemaro naru denie kering
Kayu si rubu nge taring ranting
Nge reduk lungun
gelap m’emun
uren male turun
Gabuk keleton ku ken ku towa
Teku turun luding singket
Pucuk sibulet tengah belejer kemang
Makin sawah rintik jarang
Tajuk mulingang ujung ni tangke
Rasani ate bahgie raya []
* Dipetik dari “Kumpulan Lagu Karangan Almarhum Muhammad Ali Asni” dokumentasi Prof. Dr. Al Yasa Abubakar., MA.
[SY]
