[Saer Gayo ] Corona ni Tuhen
Oleh : Hakimiadi Sudirman Rawe
Berahir male bang denie ni
Berbage tene geh jep sagi
Semiang ilarang ngaji pe enti
Sana de maksut ni denieni
Ingeti Allah selawat ku nabi
Silime waktu pe turah sunguhi
Daleh tereh ken musibah ni
Oya cubeen umet ari Ilahi
Manusie dele curake
Sombong angkuh oya pe dele
Ni kite ni si ken modele
Buge ahli serge kite bewene
Male berahir bang denie ni
Geh ni penyakit bage carae
Seni tar virus kengon gaehe
Virus corona kene gerele
Kua Allah taala kami berserah
Urum ikhlas ate pe Lillah
Kenge memang ejel gere terelah
Bage carae ke nge male sawah
Hakimiadi Sudirman Rawe adalah pencinta sekaligus pencipta puisi dan Saer Gayo dalam Bahasa Indonesia dan Bahasa daerah, lahir di Janarata pada 1987.