[Saer Gayo] Takziah
Tgk. Harun Rasjid
Ini sarami selaku peringeten
Ike sedere nge ulak ku Tuhen
Tetah cara boh enti lupen
Bersientongen sesabi diri
Kite inget ijemen pudaha
Sewaktu Muhammad kepala Negara
Kin conto kin kite bersama
Iperin Rasul kusebet kuen kiri
Sawah keber iseder jema
Suderente Japar nge sawah masa
Kete besilo kite tetah cara
Ahlini Japar a kite kunjungi
Kerna Japar nge ulak ku Tuhen
Gelah itetah tikik makanan
Kerna ahlie besilo kesungulen
Beluh kite kusoné rami-rami
Sawah koné osah tikik nasehat
Buge atéwé dapat terobat
Sehinge ahlie mendapat rahmat
Ejelni tepat menurut janyi
Peraturen takziah mokot nge terjadi
Ari jemen Rasul sawah besiloni
Hampir merata seluruh negeri
Perbueten ini nge terjadi
Riwayat ini ari Abdullah
Tepat wani babul janazah
Bulugul muram nguk iérah
Lime rawie kecuali nasai [SY]
*Dipetik dari buku “Alam Kubur Saer-Saer Gayo” karya Harun Rasjid. Balai Pustaka, 1983