Sastra Terbaru

[Saer Gayo] Peri Pelemut


Oleh : Ayu Mentari

Kuyu berdesó munemah bengi kekire
Langkah si geriet bicer mudedik
Senyum bahagie munatur kekire
Buge peri sawah orom puter ni denie

Lemut róm silep rabun pemulo
Dasi mukilet buyer so laing pemulo
Nume, nume cerak si salah ucep
Cumen gerdak rom langkah musier ari kekire

Peri pemulo,
Mata si kolak muharap osop kemuh si ara
Muharap ucep sawahku kekire si i harap
Kuyu buge munemah bengi si porak sejuk
Buge gere temuni wan langkah si mugeguk
Buge enti lupe ken lemut bertutur serge

Gerdak si halus tetap munemah gerle
Munemah gunah was ni rembege
Arake die silep ucep wan ni kekire
Arake dusta wan rangkul ni setie?
Kusa die mungune?

Harap pesesuk iwan ni tunes si ayu
Muharap murip die ranting munemah ijo ni pucuk
Buge enti néh layu bier porak so repie
Karena sebuku nge genap ke penyirem ni murip
Nge genap luwis ni kulit akibet sirem ni denie
Nge ngenap si nge munge munemah sakit ni rembege
Enti die néh ara silep wan puncak kursi harap ni rakyat [SY]

Bener Meriah, Desember 2018

Ayu Mentari, lahir di Blang Sentang 10 Juli 1997 tinggal di Dusun Kayu Beriring, Kampung Blang Sentang. Kec. Bukit. Kab.Bener Meriah. Mottonya menulis adalah rangkaian dari keluh dan kesah yang terukir dengan gerakan pena yang menuangkan kata berbaris kalimat.

Comments

comments