Sastra Terbaru

[Syaer Gayo] MEDIA

 

Oleh : Yasman Solida*

Ari media munyawah ni keber
Berunger istilah ni kata
Urum lagu seba munyeder
Ara keber media suara

Ara senimen media seni
Mampat pedi rangké ni kekata
Urum lagu isawah né peri
Ike i Gayo ni oya seni budaya

Lues wawasen jema tukang seni
Renye ikaji si i éngon mata
Renye isawahen ku jema rami
Kisah muda mudi tentang asmara

Ara kegagalen oyapé i cari
Untung rugi i jalin kin kekata
I bukun mujadi nyanyi
Patah hati urum duka cita

Seni Gayo Didong aseli
Sawah seni i betih jema
Bertepok runcang wé rami rami
Gati i rai muramin pesta

Media massa enge i akui
Lagu tivi gambaré pé ara
Berita iéngon seluruh negeri
Turah i beli mien parabola

Ike radio ari jemen mi
I Gayo ni so Rime Raya
Media online pé nge ara besiloni
Tair pedi munyawah ni berita

Media cetak oya suret keber
Waé munyeder turah i baca
Gerallé koran gere itetuker
Gere tuho keber jep umah ni jema

Ara media melalui seni
Gerak urum tari nuruh ni cara
Lempuk lemut gerak i jejari
Mubéda pedi ike urum dansa [SY]

Yasman Solida adalah mahasiswa STAIN Gajah Putih, tinggal di Delung Bener Meriah. Penyiar Radio di Radio Swasta Aceh Tengah serta aktif menciptakan lagu Gayo dan syair Gayo.

Comments

comments

Leave a Reply

Your email address will not be published. Required fields are marked *